Yver, vous n’estes qu’un villain,
Esté est plaisant et gentil,
En tesmoing de May et d’Avril
Qui l’acompaignent soir et matin.
Esté revest champs, bois et fleurs
De sa livree de verdure,
Et de maintes autres couleurs,
Par l’ordonnance de Nature.
Mais, vous, Yver, trop estes plain
De nege, vent, pluye et grezil :
On vous deust bannir en essil.
Sans point flater, je parle plain,
Yver, vous n’estes qu’un villain !
dit par Jean DESAILLY